Lassie wi' the lint white locks

Lassie wi' the lintwhite locks-
Tune, Rothiemuche's rant

Chorus
Lassie wi' the lintwhite locks,
Bonie lassie, artless lassie,
Wilt thou wi' me tent the flocks,
An Wilt wilt thou be my Dearie O.----

Now Nature cleeds the flowery lea,
And a' is young & sweet like thee,
O wilt thou share its joys wi' me,
And say thou'lt be my Dearie O. --

Lassies & c.----

The primrose bank, the wimpling burn,
The cuckoo on the milkwhite thorn,
The wanton lambs at rosy morn
Shall glas thy heart, my Dearie O

Lassies & c. ----

And when the welcome simmer shower
Has chear'd ilk drooping little flower,
We'll to the breathing woodbine bower
At sultry noon, my Dearie O

Lassies & c.----

As Cynthia lights, wi' silver ray,
The weary shearer's hameward way,
Through yellow waving fields we'll stray
And talk of love, my Dearie O.

Lassies & c.----

And should the howling wintry blast,
Disturb my lassie's midnight rest,
I'll fauld thee to my faithfu' breast,
And comfort thee, my Dearie O.

Lassies & c.----

[vertical text]
Note -- The Chorus goes to this first part of the tune; only the note before the bar, or starting
note, must be ommitted omitted: -- The song to go either to the second or fourth parts
of the tune as Mr. Clarke shall think proper; but in my opinion, the fourth,
part will suit best. –

RB.