Woo'd and married & a' and fragment of 'Now helth forsakes that angel face

Woo'd & married & a' - A new set by Mrs Scot of
Kirkpartick Dunbartonshire

The grass had nae freedom o' growing,
As lang as she was nae awa,
Nor in the town could there be stowin,
For wooers that wanted to ca:
Sic boxin, sic brawlin, sic dancin,
Sic bowin & shakin a paw;
The town was forever in brulzies
But now the lassie's awa.

Chorus
Woo'd & married & 'a
Woo'd & married & 'a;
The dandilie toast o' the parish
Is married & carried awa.

But had he a kend her as I did,
His wooin it wad hae been sma
She kens neither bakin nor brewin,
Nor cardin nor spinnin ava:
But a' her skill lies in her buskin,
And O, if her braws were awa.
She soon wad wear out o' the fashion,
And knit up her huggers wi straw

Woo'd &&c.-

But yesterday I gaed to see her,
And O she was bonie & braw;
She cried on her gudeman to gie her
An ell o' red ribban or twa:
He took & he set down beside her
A wheel & a reel for to ca',
She cried, was he that way to guide her,
And out at the door & awa

Woo'd &c.-

Now health forsakes that angel face,
Nae mair my Dearie smiles;
Pale sickness withers ilka grace,
And a' my hopes beguiles:
The cruel Powers reject the prayer
I hourly mak for thee;
Ye Heavens how great is my despair
How can I see him die!