We use necessary cookies to make our site work. We'd also like to set optional analytics cookies to help us improve it. We won't set optional cookies unless you enable them or accept our recommended settings. Using this tool will set a cookie on your device to remember your preferences.
Options
Your preferences have been set. If you wish to change your preferences, you may do so on our cookies page.
Coisich thairis air an drochaid-chrochaidh, agus Abhainn Droma a’ sruthadh tron mhòr-ghil foidhpe.
Theirig tarsaing air an drochaid-chrochaidh agus faic seallaidhean mìorbhaileach de dh'Easan na Miasaich a’ sruthadh do thè de na mòr-ghil as iongantaiche ann am Breatainn.
Lean na ceuman-coiseachd tron choille gus deagh sheallaidhean fhaighinn den sgìre timcheall.
Cùm sùil a-mach airson nan diofar ghnèithean rainteach a tha a’ fàs ann am meanbh-ghnàth-shìde na mòr-ghil.
ÙR airson 2023! Tha Ionad Slighe gu Nàdar, Coire Shalach, a-nis fosgailte, le goireasan ùra, a’ gabhail a-steach taighean-beaga, goireasan teàirrdseadh chàraichean agus cafaidh far am faighear biadh ri thoirt air falbh.
’S e Coire Shalach an t-ainm a th’ air a’ clais-mhòir seo a tha mìle a dh’fhaid agus tro bheil Abhainn Droma a’ ruith. Tha an t-ainm a’ ciallachadh lag a tha truaillidh, truaillte, lobhte no grànda. Ach chan eil an t-ainm uamhasach ceart.
Tha Coire Shalach air aon de na mòr-ghil as iongantaiche de a sheòrsa ann am Breatainn agus tha i a’ toirt fianais shoilleir dhuinn air mar a chruthaicheas uisge-leaghaidh bho eigh-shruthan mòr-ghilean domhainn. Dìreach dràibh ghoirid bho Ullapul agus dìreach uair a thìde bho Inbhir Nis, is e seo an t-àite as fheàrr airson fìor dheagh chuairt teaghlaich!
Bheir ceum-coiseachd goirid cas thu gu drochaid-chrochaidh Bhictorianach, far am faigh thu sealladh sìos air sreath de dh’easan beothail.
Tha inbhe aig Coire Shalach mar Thèarmann Nàdair Nàiseanta mar chomharra air a’ mhòr-ghil dhreachmhor agus air a’ choille mun cuairt. Tha i cuideachd na dachaigh do ghnè shònraichte de bhreabadair a tha tearc gu nàiseanta, a tha a’ dèanamh gu math ann am fiodh tais a tha air grodadh ann an ceàrnaidhean dubharach.
Gheibh sreapadairean mòr-ghil a-steach do cheàrnaidhean nach fhaicear ann an suirbhidhean àbhaisteach - bidh iad gar cuideachadh gus gnèithean ionnsaigheach fhaicinn anns a’ mhòr-ghil nach fhaiceadh duine sam bith eile!
Bheir na goireasan ùra luchd-tadhail aig Gil a’ Choire Shalaich, a’ gabhail a-steach 800m de fhrith-rathaidean is ionadan amhairc, cothrom do bharrachd dhaoine air tlachd a ghabhail às an làraich bhrèagha seo agus cuideachadh le a gleidheadh.
