Ken ye what Meg o' the mill has gotten

Ken ye what Meg o' the mill has gotten ----

O ken ye what Meg o' the mill has gotten,
An ken ye what Meg o' the mill has gotten?
She's gotten a coof wi' a claut o' siller,
And broken the heart o' the barley Miller. ----

The Miller was strappin, the Miller was ruddy,
A heart like a lord, & a skin hue like a lady;
The Laird was a widdefu', bleerit knurl;
She's left the gude-fallow & taen the churl. ----

The MIller he hecht her, a heart leal & luving,
The Laird did address her wi' matter mair muving
A fine pacing horse wi' a clear chainet bridle,
A whip by her side, & a bony side-sadle. --------

O wae on the siller, it is sae prevailing;
And wae on the luve that's fix'd on a mailin!
A tocher's nae word in a true luver's parle,
But, give my luve, & a fig for the warl!
___________________________