Logie o' Buchan

Logie o' Buchan -

O Logie o' Buchan, O Logie the laird,
They've taen awa Jamie that wrought in the yard;
Wha play'd on the pipe wi' the viol sae sma;
They've taen awa Jamie the flower o' theM a'. -

Chorus
O think na lang, lassie, tho' I be awa,
An' think na lang, lassie, tho' I be awa;
The simmer is come & the winter's awa,
And I'll come & see thee in spite o' them a'-

O Sandy has owsen, & siller, & kye,
'A house & a haddin, & a' things forbye,
But I wad hae Jamie wi' 's bonnet in's hand,
Before I'd hae Sandy wi' houses & land.-

O think & c.

My daddie was sulkie, my minnie was sour,
They gloom'd on my Jamie because he was poor,
But daddie & minnie altho' that they be,
There's nane o' them a' like my Jamie to me.-

O think & c.

I'll sit on my sunkie & spin at my wheel,
And sing o' my Jamie wha loes me sae weel;
He took a white saxpence & brak it in twa,
Sayin think And gae me the hauf o't when he gaed awa.
Sayin, think upon't lassie when I am awa,
An' think upon't lassie when I am awa:
The simmer is come, & the winter's awa,
And I'll come & see thee in spite o' them a'.-

____________________
Note, there is but one strain in the tune, so it is just
repeated in the Chorus.