Whistle & I'll come to you my lad

Whistle & I'll come to you my lad. -
(See an excellent set of this tune in the Scots Musical
Museum, vol. 2.d page 109)

O whistle & I'll come to ye, my lad,
O whistle & I'll come to ye, my lad,
Tho' father & mither & a' should gae mad,
Whistle & I'll come to ye, my lad. -

But warily tent, when ye come to court me,
And come na unless the back-yelt be ajee;
Syne o'er the back-style & let nae body see,
And come as ye were na comin to me-
O come as ye were na comin to me. -

O whistle & I'll & c.-
O whistle &c. -
Tho' father &c.-
Whistle &&c. - { as in the first stanza
At kirk, or at market, whare'er ye meet me,
Gae by me as tho' that ye car'd nae a flie;
But steal me a blink o' your bonie black e'e,
Yet look as ye were na lookin at me -
O look as ye were na lookin at me. -

O Whistle

O whistle & I'll & c.-
O whistle &c. -
Tho' father &c.-
Whistle &&c. -

Ay vow & protest that ye care na for me,
And whyles ye may lightly my beauty a-wee;
But court nae anither, tho jokin ye be,
For fear that she wyle your fancy frae me -
For fear that she wyle your fancy frae me!